Қазақстанда АЭС қашан салына бастайды: Сатқалиев мерзімдерді түсіндірді
Ақордада өткен іс-шарадан кейін Қазақстанның Атом энергиясы агенттігінің басшысы Алмасадам Сатқалиев елдегі алғашқы атом электр станциясының құрылысы қашан басталуы мүмкін екенін айтты, деп хабарлайды dailykz.
Сатқалиевтің айтуынша, атом саласында «бірінші бетон» деп аталатын кезең – нақты құрылыс емес, жобалық ізденістердің басталуы. Сондықтан нақты мерзімдерді кесіп айту қиын.
«Қазір бұл тек жобалық кезең. Құрылғының құрамы мен жобалық жұмыстарға көп нәрсе байланысты. Әзірге нақты айту қиын: біз ресейлік жоспар бойынша 2029 жылды нысанаға алып отырмыз», – деді ол.
Оның мәліметінше, 2026 жылы жобалау және ізденіс жұмыстары жүргізіледі.
«Атом электр станциясын салу – аса күрделі технологиялық процесс. Ол жан-жақты зерттеуді, мұқият дайындықты талап етеді. Қазір бұл жұмыстар басталып кетті, оған қазақстандық мердігер компаниялар да тартылады», – деп түйіндеді ведомство басшысы.
Сонымен қатар, Сатқалиев алғашқы қазақстандық АЭС-тің неге «Балқаш» деп аталғанын түсіндірді.
«Бұл атау конкурс комиссиясының көпшілік дауыспен қабылдаған шешімі», – деді ол.
Еске салайық, Қазақстандағы алғашқы АЭС жобасы биыл тамызда ресми түрде іске қосылған еді. Жобаның басталуына Атом энергиясы агенттігінің басшысы Алмасадам Сатқалиев пен «Росатом» жетекшісі Евгений Лихачев ресми түрде старт берген.
Қазақстандағы «Балқаш» АЭС-інің құрылысы бойынша алғашқы нақты қадамдар 2026 жылы басталып, негізгі жұмыстар 2029 жылға жоспарланып отыр.
