«Әлемдегі ең мықты әйел» атағын иеленген спортшының ер адам екені анықталды
Әлемдегі ең мықты әйел кім екені туралы жаңалықтар назарға ілікті – бұл оқиға халықаралық спорт қауымдастығында үлкен талқы тудырды.
Турнир жеңімпазы ер адам болып шықты
АҚШ-та өткен Strongman Games турнирінің ұйымдастырушылары “Әлемдегі ең мықты әйел 2025” атағынан жаңадан танылған жеңімпазды айырып тастады. Себебі турнирде бірінші орын алған спортшының биологиялық тұрғыдан ер адам, ал қазіргі таңда өзін әйел ретінде таныстыратыны анықталды, деп хабарлайды dailykz.
Өткен демалыста жарыстың ресми аккаунты жеңімпаздардың суреттерін жариялаған болатын. Алайда біраз уақыттан кейін ұйымдастырушылар күтпеген мәлімдеме жасап, жеңімпаздың дисквалификацияланғанын хабарлады.
Ұйымдастырушылардың ресми түсіндірмесі
Турнир дирекциясы жарыстан кейін мәселе бойынша жедел тергеу жүргізілгенін мәлімдеді.
“Белгілі болғандай, Women’s Open санатында өнер көрсеткен спортшы биологиялық жағынан ер адам, қазір өзін әйел деп таныстырады. Турнирдің ресми өкілдері бұл ақпараттан хабарсыз болған. Хабар түскен бойда біз тексеріс жүргіздік. Спортшымен байланысуға тырыстық, алайда жауап алынбады”, – делінген ресми хабарламада.
Ұйымдастырушылар биологиялық жыныс бойынша ғана жарысу керектігін нақты атап өтті.
“Біз үшін бір нәрсе түсінікті – спортшылар туған кезде тіркелген биологиялық жынысына сәйкес санатта ғана бәсекеге түсе алады”, – деді олар.
Сонымен қатар, жарыс нәтижелерін қайта есептеу басталғаны, барлық қатысушы әйелдердің әділ орындары қалпына келтірілетіні хабарланды.
АҚШ-та трансгендер спортшыларына шектеулер күшейіп жатыр
Бұған дейін АҚШ президенті трансгендер әйелдердің әйелдер спорттық санаттарында өнер көрсетуіне тыйым енгізген еді. Одан кейін елде трансгендер спортшылардың Олимпиадаға қатысуына да шектеу қойылды.
Елдегі гендерлік саясаттың өзгеруі
Дональд Трамп өзінің екінші президенттік мерзімінің басында АҚШ-тың ресми саясаты енді тек екі гендерді — ер және әйел ретінде ғана мойындайтынын мәлімдеген болатын.
Сондай-ақ биыл қарашада АҚШ Жоғарғы соты трансгендерлердің паспорттағы жынысын өзгертуге тыйым салды. Бұған дейін Байден әкімшілігі азаматтарға құжаттарда жынысты өз бетінше таңдауға мүмкіндік беріп, үшінші нұсқа — “X” белгісін енгізген еді.
