Ауыл шаруашылығы субсидиялары туралы сұраққа министр Сапаров жауап берді
Үкіметтегі брифинг барысында Ауыл шаруашылығы министрі Айдарбек Сапаров-тан оның ауыл шаруашылығы саласында жұмыс істейтін туыстарының бұрын алған субсидиялары жөнінде сұралды. Бұл туралы dailykz тілшісі хабарлайды.
Брифинг кезінде журналист министрдің ағасына қатысты мәліметті нақтылады. Айтуынша, 2019–2020 жылдары Алтынбек Сапаров бюджеттен шамамен 713 миллион теңге көлемінде субсидия алған деген ақпарат бар.
Осыған байланысты министрден соңғы үш жыл ішінде оның туыстары қандай да бір мемлекеттік қолдау немесе субсидия алған-алмағаны сұралды.
Сізде шағым бар ма? Бізге жазыңыз
Министр бұл сұраққа жеке мәселелерге бірнеше рет жауап бергенін айтты.
«Жеке сұрақтарға талай рет жауап бердім. Интернеттен, YouTube-та бәрі бар — өздеріңіз де білесіздер. Бұл істерге менің қатысым жоқ. Мен құрылтайшы емеспін, олар өз жұмысын өздері атқарады. Ол жерде адамдар бар, пайшылар бар.
Пайшылардың біреуі шығып, осындай мәселе көтергенін немесе шағымданғанын естідіңіздер ме? Барлығы өз жұмысын жоғары деңгейде істеп отыр. Мен араласпаймын, білмеймін және білгім де келмейді», — деді Айдарбек Сапаров.
Сондай-ақ ол бұл тақырыпқа қызығушылық танытпайтынын, тиісті органдар бәрін өз деңгейінде тексеретінін қоса айтты.
Ауыл шаруашылығы субсидиялары мәселесіне қатысты министр Сапаровтың жауабы осылай болды.
