МОК қысқы Олимпиада ойындарын жылжытуды қарастыруда
Болашақ қысқы Олимпиада және Паралимпиада ойындарының кестесі климаттық өзгерістерге байланысты өзгеруі мүмкін. Сайыстар бұрын басталуы ықтимал, деп хабарлайды NBC.
Халықаралық Олимпиада комитеті (МОК) ойындарды қаңтар айына жылжытуды қарастыруда. Әлемдік температураның көтерілуі бұл шешімге себеп болып отыр.
МОК өкілдері қаңтар айына ауыстыру Дүниежүзілік кубоктың және танымал жарыстардың кестесін бұзуы мүмкін екенін айтып отыр. АҚШ сарапшылары бұл NFL және NBA жарыстарының күнтізбелерімен тікелей қиылысып кететінін атап өтті.
Томас Бах МОК төрағасы кезінде климат өзгерісі болашақ Олимпиада өтетін елдерді таңдау мен жарыстарды ұйымдастыру үшін қиындықтар тудыратынын мойындаған еді.
Арнайы назар Паралимпиада ойындарына аударылған – биыл олар 15 наурызға дейін өтеді. Олимпиаданы жылжытудың Паралимпиадаға да оң әсері болуы мүмкін.
