Олимпиада-2026-ға арналған ұлттық құраманың экипировкасы таныстырылды
Қазақстанда 2026 жылы өтетін қысқы Олимпиада ойындарына қатысатын ұлттық құраманың ресми экипировкасы көпшілікке ұсынылды. Бұл туралы Қазақстан Республикасы Туризм және спорт министрлігіне сілтеме жасап dailykz хабарлайды.
Ақпан айында Италияның Милан және Кортина-д’Ампеццо қалаларында өтетін XXV қысқы Олимпиада ойындарына арналған киім жиынтығы арнайы таныстырылым барысында көрсетілді. Экипировканың техникалық талаптарын келісу, дизайн үлгілерін бекіту және сапаны бақылау үшін жұмыс комиссиясы құрылған.
Аталған комиссия құрамына Туризм және спорт министрлігінің, Ұлттық олимпиадалық комитеттің өкілдері, ведомстволық ұйымдар мамандары, сондай-ақ танымал қазақстандық спортшылар енген.
Министрліктің мәліметінше, жұмыс комиссиясы ұлттық құраманың экипировка эскизін бекіткен. Қазіргі уақытта бұл эскиз Халықаралық олимпиадалық комитетте келісу рәсімінен өтіп жатыр.
Ұлттық құраманың экипировка жиынтығы 22 түрлі бұйымнан тұрады. Оның ішінде:
- ашылу және жабылу салтанаттарына арналған парадтық форма,
- жарыстар кезінде киюге арналған жылы сырт киім,
- оқу-жаттығу жиындары мен күнделікті қолдануға арналған спорттық және casual үлгідегі киімдер бар.
Маңызды жайт — ұлттық құраманың экипировкасы бюджеттен тыс қаражат есебінен сатып алынған. Бұл спорт саласындағы қаржыны тиімді пайдалану қағидатына сай жүзеге асырылып отыр.
Еске сала кетейік, бүгін Қазақстан Премьер-министрі Олжас Бектенов 2026 жылғы қысқы Олимпиада ойындарына дайындыққа қатысты Үкіметке нақты тапсырмалар берген болатын.
Олимпиада-2026-ға арналған ұлттық құраманың экипировкасы — тек стиль емес, ел намысын қорғайтын спортшылардың сенімді серігі.
