Қасым-Жомарт Тоқаев АҚШ-та Boeing корпорациясының басшылығымен кездесті
АҚШ-та Қазақстан Президенті Қасым-Жомарт Тоқаев трансұлттық Boeing корпорациясының – авиация, қорғаныс және ғарыш техникасын өндіру саласындағы әлемдік көшбасшы – басшылығымен кездесті, деп хабарлайды dailykz Ақордаға сілтеме жасап.
Атап айтқанда, Мемлекет басшысы Boeing компаниясының атқарушы вице-президенті Джефф Шокки-мен кездесті.
Президент кездесуде Air Astana, SCAT және Vietjet Qazaqstan әуе компанияларының еліміздің авиациялық саласын дамыту үшін бірлескен жобаларды одан әрі жүзеге асыруға қызығушылық танытқанын атап өтті.
Сізде шағым бар ма? Бізге жазыңыз
️Сонымен қатар, Қасым-Жомарт Тоқаев Air Astana мен Boeing арасындағы әуе кемелерін жеткізу туралы келісімге қол жеткізгенін құптады.
️АҚШ-пен тікелей әуе қатынасын іске қосу аясында, биылғы жылдың екінші жартысында Қазақстанға Boeing 787 Dreamliner типтес ұшақтар жеткізіледі деп күтілуде.
️Сонымен қатар, SCAT компаниясы қосымша Boeing ұшақтарын сатып алуды жоспарлап отыр және америкалық корпорациямен бірлесіп Шымкент әуежайында алғашқы техникалық қызмет көрсету және жөндеу орталығын ашу мүмкіндігін зерттеп жатыр.
️Өз кезегінде, Джефф Шокки компанияның цифрландыру жоспарын бөлісіп, Қазақстанның транзиттік және көлік әлеуетін жоғары бағалады. Ол жүк әуе тасымалы саласында жемісті ынтымақтастық үшін зор мүмкіндіктер бар екенін атап өтті.
Кездесу барысында сондай-ақ еліміздегі авиациялық салаға маман дайындау мәселелері мен жүк ұшақтарының паркін дамыту перспективалары талқыланды.
