Қазақстандық теннисші Александр Шевченко Australian Open турнирінде рекорд орнатты
Қазақстанның ерлер арасындағы жекелей сында екінші ракеткасы саналатын Александр Шевченко Australian Open 2026 турнирін сәтті бастады, деп хабарлайды dailykz.
Әлемдік рейтингте 97-орында тұрған қазақстандық теннисші алғашқы айналымда швециялық Элиас Имермен кортқа шықты. Қарсыласы – рейтингте 175-орында тұрған, негізгі турнирге іріктеу арқылы өткен спортшы.
Кездесу төрт сетке созылып, Шевченконың ерік-жігерінің арқасында жеңіспен аяқталды – 3:6, 7:5, 6:4, 6:1. Матчтың жалпы ұзақтығы 3 сағат 23 минутты құрады.
Ойын барысында Александр Шевченко тоғыз эйс жасап, бес қос қателікке жол берді. Сондай-ақ ол 11 брейк-пойнттың бесеуін сәтті пайдаланды.
Бұл жеңіс қазақстандық теннисші үшін тарихи нәтиже болды. Александр Шевченко мансабында алғаш рет Australian Open турнирінің екінші айналымына жолдама алды. Бұған дейінгі екі маусымда ол жарысты алғашқы матчтан кейін аяқтаған еді.
Екінші айналымда Шевченко америкалықтар – 25-ші нөмірмен тіркелген Лернер Тьен мен Маркос Гирон арасындағы матчтың жеңімпазымен кездеседі.
Қазақстандық теннисші Александр Шевченко Australian Open турнирінде рекорд орнатты
