Қазақстандықтардың жарыстары кейінге қалдырылды: Олимпиада-2026 және ауа райы
2026 жылғы Қысқы Олимпиада ойындарында фристайл-акробатикадан өтетін іріктеу жарыстары ауа райының қолайсыздығына байланысты кейінге шегерілді. Бұл туралы dailykz тілшісі хабарлайды.
Бүгін, 17 ақпанда, Италиядағы Ливиньо биіктаулы кластерінде ерлер мен әйелдер арасындағы шаңғы акробатикасынан іріктеу сындары өтуі тиіс еді. Алайда жарыс өтетін аймақта қатты қар жауып, көріну деңгейі күрт төмендеген.
Фристайл мен сноуборд сайыстары ұйымдастырылатын трассада ауа райы аса қолайсыз болып тұр. Қауіпсіздік талаптарын ескере отырып, бүгінге жоспарланған барлық дисциплиналардағы старттар толықтай тоқтатылды. Жарыстардың жаңартылған кестесі кейінірек жарияланатын болады.
Сізде шағым бар ма? Бізге жазыңыз
Айта кетейік, Қысқы Олимпиада ойындары 2026 аясында шаңғы акробатикасынан Қазақстан құрамасының намысын төмендегі спортшылар қорғайды:
— Аяна Жолдас,
— Дінмұхаммед Райымқұлов,
— Асылхан Асан,
— Роман Иванов,
— Шерзод Хаширбаев.
Қазақстандықтардың қатысуымен өтетін жарыстардың кейінге қалдырылуы Олимпиада-2026 бағдарламасына уақытша өзгеріс енгізді. Жаңа күндер мен уақыттар ресми түрде жарияланған соң хабарланатын болады.
