Ресейлік мәнерлеп сырғанаушы Гуменник Бубликтің барлық әлеуметтік желі арқылы қолдау білдіргенін айтты
Ресейлік мәнерлеп сырғанаушы, қысқы Олимпиада ойындарының қатысушысы Петр Гуменник қазақстандық теннисші Александр Бубликтің өзіне ерекше қолдау көрсеткенін айтты, деп хабарлайды dailykz «Чемпионат» басылымына сілтеме жасап.
Жекелей сырғанаудан Ресей чемпионы атанған Петр Гуменник 2026 жылы Миланда өткен Қысқы Олимпиада ойындарындағы өнеріне көрермендердің қалай баға бергені және сол кезеңде алған қолдауы туралы пікір білдірді. Оның айтуынша, жарыстан кейін жанкүйерлер мен спорт сарапшылары төрешілер қойған ұпайлардың әділдігіне қатысты қызу пікірталас жүргізген.
Осы сәтте Гуменникке көптеген жанкүйерлер мен әріптес спортшылардан қолдау сөздері келген. Солардың ішінде қазақстандық теннисші Александр Бублик те болған.
Сізде шағым бар ма? Бізге жазыңыз
«Маған жанкүйерлерден де, спортшылардан да қолдау сөздері көп жазылды. Александр Бублик те хабарласты. Расын айтсам, оның алғашқы хабарламасын байқамай қалып, ұзақ уақыт жауап бермедім. Бірақ ол соған қарамастан менімен байланыс орнатуға тырысты. Ортақ таныстар арқылы тауып, Telegram, WhatsApp және басқа да әлеуметтік желілер арқылы жазды», – деді Петр Гуменник.
Қазақстандық теннисші Александр Бубликтің бұл әрекеті спортшылар арасындағы өзара қолдаудың маңызын тағы бір мәрте көрсетті. Мұндай моральдық демеу ірі жарыстардан кейінгі қиын кезеңдерде ерекше рөл атқарады.
Ресейлік мәнерлеп сырғанаушы Гуменниктің айтуынша, дәл осындай қолдау оның Олимпиададан кейінгі көңіл күйіне оң әсер еткен.
