Темірлан Анарбековтің керемет сейві УЕФА-ның үздік құтқарулары қатарына енді
«Қайрат» қақпашысы Темірлан Анарбековтің керемет сейві УЕФА-ның өткен ойын күніндегі үздік құтқарулар топтамасына кірді, деп хабарлайды dailykz. Чемпиондар лигасының Instagram парақшасы жарыстың ең сәтті сейвтерінен жасалған бейнежинақ жариялап, оған қазақстандық қақпашының да эпизоды енді.
Жарияланған видеода Анарбековтің екінші таймда даттық «Копенгаген» ойыншысы Дзюнносукэ Судзукидің қақпаға бағыттаған қатты соққысын керемет рефлекспен қайтарған сәті көрсетілген.
Пост астында қазақстандық жанкүйерлер ерекше белсенділік танытып, көптеген қолдау пікірлерін қалдырды.
Пікірлер арасынан мынадай жазбалар көптеп кездесті:
«Анарбеков!», «Instagram-да тек қазақтар ма?», «Анарбеков — бұл сенің жылың!», «1700 пікір — бәрі Анарбековтікі!».
Матч нәтижесі
Айта кетейік, алдыңғы күні өткен УЕФА Чемпиондар лигасы ойынында «Қайрат» сырт алаңда «Копенгагеннен» 3:2 есебімен жеңіліп қалды. Жігіттер бар күшін салғанымен, алаң иелері аздаған басымдықпен жеңісті жұлып әкетті.
Сонымен қатар, Дастан Сатпаев Чемпиондар лигасында бірнеше жарқын жеке жетістіктерге қол жеткізді.
