Тоқаев Түркменстан президентін Астана әуежайында қарсы алды

Қазақстанға мемлекеттік сапармен келген Түркменстан президенті Сердар Бердымұхамедовті Қасым-Жомарт Тоқаев Астана халықаралық әуежайында қарсы алды, деп хабарлайды dailykz Ақорда баспасөз қызметіне сілтеме жасап.

Құрмет көрсету рәсімі

Жоғары деңгейдегі қонақ құрметіне Астана халықаралық әуежайында құрметтік даңқ ротасы тұрғызылды. Бұған дейін хабарланғандай, Сердар Бердымұхамедов Қазақстанға Тоқаевтың шақыруымен сапар жасап отыр.

Сапардың жоспары

Ақорданың мәліметі бойынша, 24-25 қарашада Түркменстан президенті Астанада болады. Сапар барысында ең жоғарғы деңгейде келіссөздер өткізілуі жоспарланған. Кездесу барысында Қазақстан мен Түркменстан арасындағы стратегиялық серіктестікті нығайту перспективалары талқыланатын болады.