Юлия Путинцева Австралияда негізгі кезеңге бір қадамнан ғана қалды

Қазақстанның әйелдер теннисі құрамасының екінші ракеткасы Юлия Путинцева Австралияның Брисбен қаласында өтетін WTA 500 турнирінің негізгі кезеңіне өте алмады, деп хабарлайды dailykz.

Дүниежүзілік рейтингте 71-орында тұрған қазақстандық спортшы турнирдің квалификациясының финалдық кездесуін өткізді. Оның қарсыласы жергілікті спортшы, әлем рейтингінде 206-шы орында тұрған Оливия Гадека болды.

Ойын үш сетке созылып, Юлия Путинцеваның 6:1, 5:7, 1:6 есебімен жеңілісімен аяқталды. Қыздар қатты жабындылардан құралған кортта 2 сағат 14 минут өткізді. Қазақстандық теннисші бір рет эйс жасап, бір рет екі қателік жіберіп, алты брейк-пойнттың төртін жүзеге асырды.

Осылайша, Юлия Путинцева Brisbane International турнирінің негізгі кезеңіне өте алмады. Турнир 4–11 қаңтар аралығында өтеді.