Тоқаев жас жазушылар мен ақындарға әдеби сыйлық тағайындады — Қазақстанда жас қаламгерлерді қолдауға бағытталған маңызды шешім қабылданды.
Қасым-Жомарт Тоқаев «Жас қазақстандық жазушылар мен ақындарға арналған арнайы президенттік әдеби сыйлықты тағайындау туралы» жарлыққа қол қойды. Бұл туралы Ақордаға сілтеме жасап dailykz хабарлады.
Ақорданың мәліметінше, биыл арнайы президенттік әдеби сыйлық бірнеше номинация бойынша берілген. Әр аталымда өз жанрымен ерекшеленген, болашағынан үміт күттіретін жас авторлар марапатталды.
«Проза» номинациясында Арман Әлменбет «Тергеуші» атты шығармасымен жеңімпаз атанды.
«Поэзия» аталымында Саян Исжанов «Құмдағы хикая» өлеңдер жинағы үшін сыйлыққа ие болды.
Ал «Драматургия» номинациясында Бауыржан Мұстафиев «Ақ киіз» драмалық туындысы үшін марапатталды.
«Балалар әдебиеті» бағыты бойынша Асылан Тілегенов «Жазда атамның ауылында…» атты өлеңдер жинағы үшін үздік деп танылды.
Айта кетейік, бұған дейін 2025 жылғы Нобель әдеби сыйлығы венгр жазушысы Ласло Краснахоркаиге берілген еді. Ол марапат «апокалипсистік үрей жағдайында өнердің күшін дәлелдейтін көреген әрі әсерлі шығармашылығы үшін» табысталды.
Тоқаев жас жазушылар мен ақындарға әдеби сыйлық тағайындады — бұл шешім жас әдебиет өкілдері үшін жаңа мүмкіндіктер мен үлкен шабыттың бастауы болмақ.
