Қазақстанда 18 жасқа дейін әлеуметтік желілерге кіруді шектеу ұсынылды
Мәжілістің отырысында депутат Ерлан Саиров Қазақстандағы кәмелетке толмағандардың әлеуметтік желілерге кіруін заңдық деңгейде шектеуді ұсынды, деп хабарлайды dailykz.
Депутат өз сөзінде әріптесі Сергей Пономаревтің Ұлттық құрылтайдағы соңғы баяндамасын атап өтті. Онда халықаралық тәжірибеге мысал келтіріліп, әлеуметтік желілерге кіруді 14–16 жас аралығында шектеу тәжірибесі көрсетілген.
«Еуропа елдерінің тәжірибесі өте маңызды. Онда кәмелетке толмағандарға арналған ережелер қатаңдатылып отырады. Мысалы, Францияда 2023 жылдан бастап «цифрлық кәмелетке толу» туралы заң күшіне енді – 15 жасқа дейінгі балаларға арналған. Норвегия мен Испанияда 2024 жылы әлеуметтік желілерді дербес пайдалану минималды шегі 15 және 16 жасқа көтерілді.
2025 жылдың қарашасында Еуропарламент бүкіл ЕО бойынша біртұтас минималды жас шегін – 16 жасқа дейінгі дербес кіруді бекітетін резолюция қабылдады», – деді депутат Ерлан Саиров.
Осыған байланысты мәжіліс депутаты Қазақстанда да кәмелетке толмағандардың әлеуметтік желілерге кіруін заңдық жолмен шектеу мүмкіндігін қарастыруды ұсынды.
