«Нарыққа шектеу қою оңай, дамытқан оңай емес»: Тоқаев үкіметтің шараларын сынады
Кеңейтілген үкімет отырысында Қасым-Жомарт Тоқаев үкіметтің нарықты шектеуге бағытталған қабылданған шараларымен келіспейтінін айтты, деп хабарлайды dailykz.
«Ағымдағы агроөнеркәсіп кешенін қолдау моделі жинақталған мәселелерді шешуге емес, жалпы өнім көлемін арттыруға бағытталған. Нәтижесінде азық-түлік импортына тәуелділік сақталады, бұл бағаның өсуіне әкеледі», — деді Тоқаев.
Ол әлеуметтік маңызды деп танылған тауарлардың тізімі 19-дан 31 өнімге кеңейтілгенін еске салды.
«Үкімет бұл шаралардың уақытша сипатта екенін айтады. Бірақ бізде жиі болып көретіндей, уақытша деп қабылданғанның бәрі тұрақтыға айналады. Сол сияқты, ауыл шаруашылығы өнімдерінің экспортын нарықтық емес шектеулер арқылы реттеу де толық салдарын бағаламай енгізіледі.
Осы әрекеттердің логикасы түсінікті — нарықты дамытқанша, оған шектеу қою оңай. Бірақ бұл тәсіл қабылданбайды. Үкімет бизнеспен диалогта тамақ өнеркәсібін дамытуға жүйелі шаралар қабылдауы қажет», — деді Тоқаев.
