Интернет-алаяқтардан жәбірленушілерге 4,8 млрд теңге қайтарылды
Ішкі істер министрлігі киберқылмысқа қарсы күрес шаралары туралы мәлімет берді. Министрліктің киберқылмысқа қарсы іс-қимыл департаменті бастығының орынбасары Әлібек Оразалының айтуынша, жалпы қылмыс санының азайғанына қоса, байланыс операторларымен бірлесіп 150 миллион телефон қоңырауы бұғатталған. Бұл туралы Kapital.kz іскерлік ақпарат орталығының тілшісі ІІМ баспасөз қызметіне сілтеме жасап хабарлады.
Жыл басынан бері интернет-алаяқтық қылмыстардың саны 7%-ға азайған. Қылмысты ашу көрсеткіші жақсартылып, жәбірленушілерге 4,8 миллиард теңге қайтарылды. Ұлттық банкпен бірлесіп, тағы 2,6 миллиард теңгенің заңсыз шығарылуына тосқауыл қойылды. Байланыс операторларымен бірлесіп, 150 миллионнан астам алаяқтық қоңырау бұғатталды. Бұған қоса, ұйымдасқан қылмыстық топтарды анықтап, жою бойынша белсенді жұмыстар жүргізілуде. Шетелдік әріптестермен бірге бірнеше халықаралық алаяқтық колл-орталықтарының қызметі әшкереленіп, қазақстандықтардың ақшасын жымқырған ондаған мүшелері ұсталды. Азаматтардың жеке деректері заңсыз таратылған қылмыстық интернет-ресурстың қызметі тоқтатылды.
Бұған дейін Шымкентте интернет-алаяқтықпен айналысқан ұйымдасқан топтың қызметі әшкереленген болатын. Бұл топ азаматтарға мессенджерлер арқылы туыстары немесе достары атынан ақшаны шұғыл аударуды өтінген хабарламалар таратқан. Бас прокуратураның Қылмыстық қатерлерді болжау орталығы Apple ID иелерін алдаудың қауіпті схемасын анықтады. Сондай-ақ, қазақстандықтарға iPhone пайдаланушыларына iCloud бұлттық жад орнының толып қалғаны туралы жалған электронды хаттар, SMS хабарламалар мен хабарламалар жаппай таратылатыны туралы ескертілді.
Дереккөз: Kapital.kz
