«Реал» Испания Кубогынан екінші дивизион клубына қарсы сенсациялық түрде шығып қалды
Мадридтік «Реал» футболшылары 2025/26 жылғы Испания Кубогының 1/8 финалында «Альбасете» командасына жолда ұтылды, деп хабарлайды dailykz.
Ойын Альбасете қаласындағы «Карлос Бельмонте» стадионында өтті және жергілікті команданың пайдасына 3:2 есебімен аяқталды.
Жеңімпаздар қатарында испаниялық футболшылар көзге түсті: шабуылшы Хефте Бентанкор дубль жасады (82 және 90+4 минуттарда), ал жартылай қорғаушы Хави Вильяр бір гол соқты (42 минут).
Қонақтар құрамында гол соққандар – аргентиналық вингер Франко Мастантуоно (45+3 минут) және испаниялық шабуылшы Гонсало Гарсия (90+1 минут).
«Реал» үшін бұл матч Хаби Алонсоның бас бапкерлік қызметінен кеткеннен кейінгі алғашқы ойын болды. Бұл қызметте дебютін Альваро Арбелоа жасады.
«Альбасете» командасы 1/4 финалға шықты, ал келесі кезеңдегі қарсыласы кейін анықталады. Қазіргі уақытта команда Сегунда (екінші деңгейлі дивизион) турнирінде 17-орында тұр.
