Виктор Мозестің қызылординалық «Қайсарда» айлығы жарияланды

Dailykz сайтының мәліметі бойынша, бұрынғы «Челси» ойыншысы Виктор Мозес қызылординалық «Қайсарда» айына шамамен 8 млн теңге табыс табатын болады. Жылдық жалақысы шамамен 160 мың АҚШ долларын құрайды.

Виктор Мозес – әлемге әйгілі футболшы, ол бірнеше ірі клубтарда өнер көрсеткен. Лондонның «Челси» командасымен Англия чемпионы атанып, Еуропа лигасын екі рет жеңіп алған. Сонымен қатар, ол Англияның «Кристал Пэлас», «Уиган», «Ливерпуль», «Сток Сити», «Вест Хэм», Түркияның «Фенербахче», Италияның «Интер» және Ресейдің «Спартак» (Москва) клубтарында ойнаған.

2013 жылы Мозес Нигерия құрамасымен Африка наций кубогын жеңіп алған. Ұлттық команда сапында ол 38 матч өткізіп, 12 гол соққан. Сондай-ақ, ол 2014 және 2018 жылдардағы әлем чемпионаттарында өнер көрсеткен.

Бірнеше күн бұрын атақты нигериялық футболшы Виктор Мозес ресми түрде Қазақстанның «Қайсары» клубының жаңа ойыншысы ретінде таныстырылды.

Бұл келісімшарт «Қайсар» үшін үлкен стратегиялық қадам болып саналады, ал Виктор Мозестің тәжірибесі командаға маңызды қосымша күші болмақ.