Алькарас мансаптық Үлкен шлемді жеңіп алған ең жас теннисші атанды
Испаниялық Карлос Алькарас тарихта мансаптық Үлкен шлемді жеңіп алған ең жас теннисші атанды, деп хабарлайды dailykz.
Жексенбі күні спортшы хард төрткүл Australian Open финалында серб ойыншысы Новак Джоковичті жеңіп, осы жарыстың чемпионы атанды.
Одан бұрын Алькарас Үлкен шлемнің үш басқа турнирін – «Ролан Гаррос» (құм), Уимблдон (шөп) және US Open (хард) – екі реттен жеңген болатын. Осылайша, ол әр мэйджордан кемінде бір рет чемпион атанды.
Испан спортшы мансаптық Үлкен шлемді 22 жас 8 ай 27 күнде толық жинап, 1938 жылы 22 жас 11 ай 28 күнде жеткен америкалық Дон Бадждың рекордын жаңартты.
Алькарас ерлер бірлік сында мансаптық Үлкен шлемді жинаған тоғызыншы теннисші болды. Бұған дейін бұл нәтижеге, Бадждан басқа, британдық Фред Перри, австралиялық Род Лейвер мен Рой Эмерсон, америкалық Андре Агасси, швейцариялық Роджер Федерер, испаниялық Рафаэль Надаль және Джокович жеткен.
