Александр Бублик жаңартылған әлемдік рейтингтегі орнын білді
ATP (Кәсіпқой теннисшілер ассоциациясы) Australian Open турнирі аяқталғаннан кейін ерлер арасындағы жеке және жұптық рейтингтердің жаңартылған нұсқасын жариялады, деп хабарлайды dailykz.
Australian Open жеңімпазы, испаниялық теннисші Карлос Алькарас жеке сингл турнирінде бірінші орнын сақтап қалды. Екінші орында италиялық Янник Синнер, ал үшінші орынға Австралия ашық чемпионатының финалисі, серб теннисші Новак Джокович көтерілді. Ол неміс ойыншысы Александр Зверевті төртінші орынға ығыстырды.
Қазақстанның үздік теннисшісі Александр Бублик әлемдік рейтингте ондықтағы позициясын сақтап, 10-шы ракетка болып қала береді. Өткен үлкен шлем турнирінде Александр мансабында алғаш рет 1/8 финал кезеңіне жетті.
Екінші ракетка Қазақстаннан Александр Шевченко рейтингте он орынға көтеріліп, қазір 87-ші орында тұр. Australian Open турнирінде ол екінші айналымда жеңіліс тапты.
