Шымкент Полиция Департаментінің жаңа басшысы тағайындалды

Шымкент қаласының Полиция Департаментіне жаңа басшы тағайындалды. Бұл қызметке бұрын Ішкі істер министрлігінің Тергеу департаментін басқарған Мұхтар Қожаев келді, деп хабарлайды dailykz.

Министрліктің ақпараттық медиапорталына сәйкес, полиция генерал-майоры басқарушылық және тергеушілік тәжірибесі мол, қызмет жолын тергеушіден бастап орталық аппарат департаментінің басшылығына дейін өтіп келген.

Мұхтар Қожаев туралы қысқаша деректер:

• 1999 жылы ҚР ІІМ Алматы құқық институтын бітірген.
• Сол жылы Маңғыстау облысы, Ақтау қаласы ІІБ-інде тергеуші лауазымына тағайындалған.
• 2001 жылдан бастап Ақтау қаласы ІІБ-де дознание және тергеу бөлімінің басшысы, 2007-2010 жылдары тергеу бойынша ІІБ басшысының орынбасары қызметін атқарған.
• 2010 жылдан бастап Маңғыстау облысының аудандық полиция бөлімдерін басқарған.
• 2012 жылдан бастап ҚР ІІМ Тергеу комитеті Зоналық бақылау және алдын ала тергеу ұйымдастыру басқармасының орынбасары.
• 2017 жылы Тергеу департаменті Зоналық бақылау басқармасының басшысы қызметіне тағайындалған.
• 2018 жылы Қостанай облысы Полиция Департаментінің орынбасары болып қызмет атқарған.
• 2018 жылғы желтоқсаннан бастап ҚР ІІМ Тергеу департаментінің орынбасары.
• 2023 жылғы желтоқсаннан бастап ҚР ІІМ Тергеу департаментінің басшысы болған.

Еске сала кетейік, Шымкент Полиция Департаментінің алдыңғы басшысы Нұрлан Алмасбеков 21 жасар Нурай Серікбайдың резонанстық өліміне байланысты қызметінен босатылған болатын.