Қазақстан биатлон құрамасы Олимпиада-2026 эстафетасында соңғы орын алды
Қазақстан биатлон құрамасы Олимпиада-2026 ойындарында аралас эстафетада соңғы нәтиже көрсетті. Италияда өтіп жатқан қысқы Олимпиадада биатлоннан жарыс бағдарламасы дәл осы аралас эстафетамен басталды. Бұл туралы dailykz тілшісі хабарлайды.
Аралас эстафета қалай өтті?
Жарысқа барлығы 21 құрама қатысты. Әр елдің намысын екі ер және екі әйел спортшы қорғады. Әр кезеңнің ұзақтығы — 6 шақырым, ал трасса бойында екі атыс шебі болды.
Қазақстан құрамасының жарыс барысы
Қазақстан құрамасы сапында Владислав Киреев пен Асетті Дүйсенов ерлер кезеңінде өнер көрсетіп, команданы алғашқы он бірдіктің қатарында ұстап тұрды. Алайда жарыстың екінші жартысында жағдай күрт өзгерді.
Әйелдер кезеңінде Милана Генева мен Айша Ракишева жүгірді. Соңғы атысқа дейін ұлттық құрама көшбасшылардан бір айналымға қалып қойды. Осыған байланысты қазақстандық команда жарыстан алынды.
Нәтижесінде Қазақстан мәре сызығына жете алмаған жалғыз құрама атанды. Қорытынды хаттамада ұлттық команда 21-орынға, яғни соңғы орынға жайғасты. Төрт спортшы жарыс барысында бір айып шеңберіне кіріп, 13 қосымша оқ қолданды.
Жүлдегерлер кімдер?
Аралас эстафетада Франция құрамасы жеңіске жетті. Команда сапында Эрик Перро, Кентен Фийон-Майе, Лу Жанмонно және Жюлия Симон өнер көрсетті (0 қате + 7 қосымша оқ).
Күміс жүлде Италия құрамасына бұйырды. Өз жерінде өткен Олимпиадада Томмазо Джакомель, Лукас Хофер, Доротея Вирер және Лиза Виттоцци (+25,8 секунд; 0+5) жоғары нәтиже көрсетті.
Қола медальді, соңғы атыста айып шеңберіне қарамастан, Германия құрамасы иеленді. Жүлдегерлер қатарында Юстус Стрелов, Филипп Наврат, Ванесса Фойгт және Франциска Пройс болды (+1:05,3; 1+3).
Норвегия — төртінші орында
Өткен Олимпиаданың аралас эстафетадағы чемпионы — Норвегия құрамасы бұл жолы төртінші орынмен шектелді. Ел намысын Мартин Улдаль, Ветле Шостад Кристиансен, Каролин Кноттен және Марен Киркейде қорғады (+1:37,2; 2+6).
