Бибисара Асаубаева ең жоғары табыс тапқан шахматшылардың топ-10 тізімінде.
Қазақстандық гроссмейстер Бибисара Асаубаева беделді Forbes.ru нұсқасы бойынша ең көп жүлдеақы алған шахматшы қыздардың алғашқы ондығына енді. Бұл туралы dailykz хабарлайды.
Материал авторлары әйел шахматшылардың табысы бұл спорт түрінде әлі де ерлердің кірісінен төмен екенін атап өтті.
Рейтингке сәйкес, Бибисара жетінші орында тұр. 21 жастағы спортшы жыл қорытындысы бойынша 110 мың АҚШ долларынан астам табыс тапқан.
Материалда: «Бибисара блиц бойынша әлем чемпионатын тағы да жеңіп алды, сондай-ақ Үлкен швейцарка турнирінде үшінші орын иеленді. Бұдан бөлек, Асаубаева фристайл-турға қатысқан алғашқы қыз атанып, бұл да жалпы табыс көлеміне әсер етті», — деп жазылған.
Рейтинг көшбасшысы — Қытай өкілі Цзюй Вэньцзюнь. Ол шамамен 382 мың доллар табыс тапқан.
Ал алғашқы ондықты Үндістаннан шыққан Дивья Дешмукх түйіндейді — оның жылдық табысы 87 мың доллар.
Еске салайық, қазақстандық Бибисара Асаубаева 2025 жылы блиц бойынша әлем чемпионатында жеңіске жетті. Бұл — жылдам шахматтың бір түрі. Жеңістен кейін спортшыны Қасым-Жомарт Тоқаев құттықтап, Қазақстан Президенті шахматшыға «Барыс» II дәрежелі орденін табыстады.
