Әлем чемпионаты мен Олимпиада жүлдегері: Австриядағы дзюдо турниріне Қазақстан құрамасы белгілі болды
Қазақстан ұлттық дзюдо құрамасының бапкерлер штабы Австрияның Линц қаласында өтетін Гран-при санатындағы турнирге қатысатын спортшылар құрамын жариялады, деп хабарлайды dailykz.
6-дан 8-наурыз аралығында Австрияда өтетін бұл турнир Дүниежүзілік турға кіреді. Қазақстан құрамасынан 20 спортшы өнер көрсетеді, олардың ішінде 2024 жылғы Париж Олимпиадасының қола жүлдегері Гусман Кыргызбаев және 2025 жылғы Әлем чемпионатының күміс жүлдегері Абиба Абужақынова бар.
Қазақстан құрамасы Линц Гран-при турнирінде
Ерлер:
Сізде шағым бар ма? Бізге жазыңыз
- 60 кг дейін: Аман Бакытжан, Шерзод Давлатов
- 66 кг дейін: Гусман Кыргызбаев, Бауыржан Нарбаев
- 73 кг дейін: Дастан Шаяхметов, Есет Қуанов
- 81 кг дейін: Абылайхан Жубаназар, Адилет Алмат
- 90 кг дейін: Айдар Арапов
- 100 кг дейін: Марат Байкамұров, Нұрлыхан Шархан
- 100 кг жоғары: Жантилек Нұртилепұлы
Әйелдер:
- 48 кг дейін: Абиба Абужақынова, Диана Бұркеева
- 57 кг дейін: Бақыт Қусақбаева, Дана Абдирова
- 63 кг дейін: Эсмігүл Куюлова
- 70 кг дейін: Ажар Асхат
- 78 кг жоғары: Ақерке Рамазанова, Аида Тойшыбекова
Айта кетейік, Абужақынова соңғы рет жарысқа өткен жылдың қарашасында қатысқан болатын. Сол кезде ол БАӘ, Абу-Даби қаласында өткен Grand Slam турнирінде қола жүлде жеңіп алған еді.
Қазақстан құрамасы Австриядағы Гран-при турнирінде тағы да маңызды нәтижелерге қол жеткізуге үміттеніп отыр.
